Bâh ntơm lơ 1/7 tât lơ 15/9 Ntŭk kan mbơh dăn sămƀŭt ƀư neh ntu bâh n’gor Lâm Đồng lĕ geh dơn rlău 77.100 săm ƀŭt n’hanh rklaih geh rlău 58.500 săm ƀŭt. 124 xã, phường, đặc khu bâh n’gor geh dơn rlău 24.200 sƀ, doh rklaih geh 13.300 săm ƀŭt. Nău geh an saơ, geh rlău 32 rbăn sƀ ƀư nău way mpeh neh ntu ê hŏ năn doh rklaih. Wa Bùi Thanh Hà, Groi Giám đốc ntŭk kan tuch tăm n’hanh ntŭk gŭ rêh n’gor Lâm Đồng, an gĭt, dôl hôm nha geh âk nău kŏ văk tâm rnôk ƀư tĭng dơn, doh rklaih sƀ hành chính mpeh neh ntu. Gay ma ndâk nsơm nău jêr, kŏ văk ntrôl ngăch nău kan geh dơn kan, doh rklaih ăp ntil săm ƀŭt ƀư mpeh neh ntu, ntŭk kan tuch tăm mât rong n’hanh ntŭk gŭ rêh n’gor Lâm Đồng dôl mbơh ƀư âk trong kan, tâm nĕ rgum ta nău ƀư lôch trong kan mbluh kan, tâm rgop đah ăp n’gâng kan, ntrôl dăng nău kan mbơh nău mhe, ntĭm đă ƀon lan dŏng nău kan dịch vụ công trực tuyến.