Ƀư tĭng nău ntrŭnh bah Đảng n’hanh Ngih dak mpeh hun hao ntĭm nti nkual n’har bri, n’gor Lâm Đồng dôl jêh trong kan nchrăp gay ndâk njêng 2 tâm dĭng lĕ 5 ngih samƀŭt tâm năm 2025 aơ.

N’gor Lâm Đồng geh 5 xă n’har bri neh kơh lah Tuy Đức, Quảng Trực, Thuận Hạnh, Thuận An n’hanh Dak Wil.

5 xă aơ aƀaơ geh 47 ntŭk ntĭm nti đah 39 ngih samƀŭt ngih dak ndâk ƀư, 5 ngih samƀŭt bah dih ngih dak ƀư. Tĭng wa Lê Thị Bích Liên-Giám đốc N’gâng kan ntĭm nti n’gor Lâm Đồng, lĕ geh 2 n’har bri, lah xă Thuận An n’hanh Quảng Trực dôl nsrôih nchrăp ăp ndơ n’hanh mbra ntơm ƀư tâm năm 2025 aơ. Du ngih samƀŭt geh 30 jrô, tŏng ntĭm nti an nklăp 1.000 kon hŏk. Ăp ndơ ƀư aơ dơi mpŏng mbra kơl kon hŏk nkual n’har bri geh ntŭk gŭ, ntŭk sa, nti ren đăp mpăn, rgop hun hao nuĭh kan n’hanh nâp nâp mât njrăng bri dak-rnă njrăng nkual n’har bri.