Nthoi tay rơh hop tâl 26, nar aơ, 28/9, Ủy ban Thường vụ Quốc hội hop (rơh 3) an nău rgop (tâl 2) mpeh nău djăt, rgâl di tay trong nchrăp Luật neh ntu (rgâl nkra).  

 Lôch âk tơ̆ rgop nău, tât aƀaơ, trong nchrăp Luật neh ntu (rgâl nkra) hôm geh âk nău êng êng geh tât quy định ăp rnoh tât dŏng neh tâm dăp rgum dŏng neh ntu. Nău tâm pă ntil dŭt na nê̆ ăp rnoh tât geh dŏng neh mbra jêng geh tât nău mô ngăch rplăch, mô ăp tŏng mô lah mô dơi ban nău rgâl ngăch tâm ngăn ngăn, ƀư jêr jŏt tâm rnôk an ƀư n’hanh khuch tât nău dơi n’hanh nău geh bah nuĭh ƀon lan, doanh nghiệp, ntoh tay âk mpưm siƀŭt kan.

Yor kơt nê̆, ân ƀư kloh tay nău way, rnoh di gay dăn dă ăp rnoh n’glĕ âk dŏng neh ta ăp gưl dŏng neh ntu. Tâm nar aơ đŏng, Ủy ban Thường vụ Quốc hội an nău rgop mpeh trong nchrăp Nghị quyết bah Quốc hội mpeh nău dŏng sŏk soăy nsĭt geh wăng sa doanh nghiệp kơi ntop tĭng quy định rdâng lơh rchoh lưn ntŭk kan sŏk soăy lam ntŭr neh; An nău rgop mpeh trong nchrăp Nghị quyết bah Quốc hội mpeh nău rlong dŏng trong ntop kơl ntuh kơl tâm trong kan công nghệ mhe; An nău rgop mpeh mbơh siƀŭt rhuăt glêh rêng ƀư, mông nar n’gluh dŏng prăk ngân sách ngih dak ăp năm…