Kêng măng 18/11, tâm xã Ia Krel, n’gor Gia Lai, Binh đoàn 15 (n’gâng kan neh dak) ƀư nau ntơm leo lăp dŏng ndrel jao pă Ngih săm ƀŭt Mầm non Sao Mai ân an nai ntĭm ndrel kon se nti tâm xã Ia Krel, n’gor Gia Lai. Ngih săm ƀŭt Mần non Sao Mai lah ngoai tâm rnoh ăp ngih săm ƀŭt geh N’gâng kan neh dak ndrel ăp ntŭk kan bah tahen ntrŭnh ƀư tâm nkuăl n’har bri. Ngih săm ƀŭt geh âk ntŭk tŏng dơi nau ŭch ntĭm nti ân rlau 300 kon se nti mầm non tâm 24 ƀon, bah ăp xã n’har bri ba dâng Gia Lai.

Đại tá Khuất Bá Cao, Bí thư Đảng uỷ, Groi rđau kan Binh đoàn 15 mbơh: nau leo lăp dŏng Ngih săm ƀŭt Mầm non Sao Mai ông dơi rgop nau kơl an ntĭm nti bah oh kon cán bộ, tahen, nŭih pah kan ndrel kônh wa ƀon lan, ndâk nau dơi ân hun hao nâp nâl bah nkuăl n’har bri. Binh Đoàn 15 ŭch nkuăl, ngih săm ƀŭt mra ndrel Binh đoàn ƀư ueh nâp nâl nau khlay tam bah ngih săm ƀŭt./.