N’gor Gia Lai dôl ntrŭnh ƀư nau ndâk 16.600 ngih kơl an. Bôk nau kan ndâk ngih kơl an tăch thuk bah n’gor Gia Lai geh ƀư ntơm năm 2021. Tâm rnoh 20 nau kan geh ân ƀư, geh 6 nau kan hŏ jêh, 3 nau kan dôl jêh du gưl, pă bơi tât 4.500 ngih gŭ. 10 bôk nau kan êng dôl ndrel mra geh ndâk nkra, mra geh pă nklăp 7.600 ngih. Tâm nê geh nklăp 2000 ngih mra jêh du gưl mô lah nchrăp jêh tâm năm aơ. Nchrăp, tât lôch năm 2025, Gia Lai mra ƀư jêh geh rlau 31% nau nchrăp ndâk ngih gŭ thuk prăk lvang năm 2021-2030.

Wa Nguyễn Hữu Quế, Groi Kruanh UBND n’gor Gia Lai mbơh, n’gor dôl rgum ntrŭt dăng nau ƀư ăp nau kan, nsôih ƀư jêh 16.600 ngih tĭng tâm di nau nchrăp, rgop nau ƀư bôk nau kan bah Chính phủ mpeh “Ntuh kơl ndâk đê̆ ngăn du rkeh ngih tăch thuk ân ăp nŭih mô geh âk prăk, công nhân nkuăl công nghiệp lvang ănm 2021-2030”./.