Thủ tướng đă ăp nău kơl kan mpeh neh ntu an geh mĭn uănh rnoh hao khlăy bâh neh ntu. Geh nău lĕ rngôch, lĕ ăp ding geh tât âk n’gâng kan trong kan. Mbơh tơih ta rơh rƀŭn nchră, tâm ba năp nơh, nău kơl, pháp luật mpeh neh ntu tă geh njoat hăn lăp tâm nău rêh jêng, n’hao an geh săk rnglăy mât uănh ngih dak, ntop an hun hao wăng sa, rêh jêng, mât đăp mpăn mât rnă njrăng ngih dak, rnă njrăng đăp mpăn n’hanh hun hao nâp nâl bâh neh dak, ndâk nsơm nău knơm bâh ƀon lan, doanh nghiệp n’hanh nuĭh ntuh kơl. Yơn lah, nău ngăn hôm nha geh âk nău jêr, kŏ văk kơt nău ntrŭnh nchrăp kan mô hŏ tâm di..Ta rơh rƀŭn nchră, Thủ tướng Phạm Minh Chính lah na nê̆, nău kan dut khlăy n’hanh ndal gay ma doh rklaih ăp nău kŏ văk n’hanh rgâl nkra, ntop Nghị quyết mbrô 18 n’hanh ƀư nău kan rgâl mhe, ntop Luật neh ntu năm 2024. Thủ tướng đă rgâl mhe du đê̆ nău kan, trong kan mpeh ƀư tay an geh nău kan, nău kơl mât uănh, dŏng neh ntu, tâm nĕ ntop geh âk trong kan mpeh nău nchrăp, nău dŏng neh. An lor pă dăp rnoh neh gay ma hun hao ndơ dŏng ntung trong an tâm ban, công nghiệp, dịch vụ, hun hao nkuăl ƀon têh, mât tâm di rnoh neh tăm ba gay ma mât đăp mpăn rnoh ndơ sa bâh ngih dak.