Groi Thủ tướng Hồ Đức Phớc mhe kí nau ntrŭnh kơl an tơm prăk rklaih kơl an 4 n’gor Khánh Hoà, Lâm Đồng, Gia Lai ndrel Dak Lak gay rklaih nau khuch yor dak bŭk lơh. Tĭng nê, 1.100 rmen tă bah tơm prăk têm bah Trung ương năm 2025 geh pă ntop gay ƀư ăp nau kan ndal, kơt lah nkra tay ngih vâl gung trong, ndâk tay nau kan tuch tăm, kơl an nau rêh ƀon lan ndrel đăp mpăn nau rêh jêng (tâm nê: n’gor Khánh Hoà 150 rmen, Lâm Đồng 300 rmen, Gia Lai 150 rmen, Dak Lak 500 rmen).

Chính phủ đă ăp n’gor nchrăp dŏng tơm prăk ân tâm di, nkre rgum tay ăp nau ntop kơl an êng gay ntrŭnh ân săk tam, tâm di nau ntrŭnh, đăp mpăn kloh rvah ngăn. Nau ntrŭnh ntoh nau kơl an, rđau kan năn bah Chính phủ tâm nau kơl an ƀon lan geh nau khuch bah dak buk, n’huch nau khuch khat, đăp mpăn nau rêh ndrel ơm ndâk tay nau văng sa, rêh jêng./.