VOV4.M’nông- Măng nar 28/7, rnâng kan mpôl kan kruanh Tổng Liên đoàn Lao động Việt Nam mbra geh pă giải nkhôm rnê Nguyễn Văn Linh tal 3 năm 2022 an 10 cán bộ công đoàn ntoh lư. Nkhôm rnê Nguyễn Văn Linh lah ndơ nkhôm rnê khlăy bâh Tổng Liên đoàn Lao động Việt Nam pă an cán bộ Công đoàn ăp gâl geh nău dơi têh khlăy ngăn, geh âk nău mĭn kan, nău rklă kan, trong kan rgâl mhe tâm nău pah kan công đoàn, ntop rdâk njêng ntŭk kan công đoàn nâp dăng, rdâk njêng ntŭk kan, doanh nghiệp, ntŭk kan hun hao nâp nâl, rdâk njêng nău kan nuĭh ƀon lan Việt Nam ta rơh công nghiệp mhe nău rêh mhe bâh ngih dak n’hanh lăp kan ndrel đah lam ntur neh. Năm aơ nău nkhôm rnê geh pă an 10 cán bộ công đoàn ntoh lư ta lam dak. Rơh pă giải geh ƀư ta Hà Nội ta măng nar 28/7, di nar kahgĭt 93 năm nar njêng Công đoàn Việt Nam.

Nuĭh rblang: Thị Đoắt