Năm 2025, Dak Lak dơi jao rlău 3.030 rnoh nuĭh, tâm nĕ geh 2.550 rnoh nuĭh lăp tahen n’hanh 480 rnoh nuĭh ƀư tahen râng công an nhân dân. Tâm tơh săch kuăl druh ndăm râng ƀư tahen năm 2025 aơ, druh ndăm Y Ra Ni Byă (nuĭh Êđê) deh năm 2005, ta ƀon Cư Phiăng xă Hòa Phong, nkuăl Krông Bông, n’gor Dak Lak lĕ ŭch êng nchih sam ƀŭt dăn hăn tahen. Jêh âk nar tết răm m’ak, Y Ra Ni lĕ nchrăp nuih n’hâm, nchrăp ndoh ndơ gay hăn trong ƀư tahen.

"Gâp dŭt rhơn rnôk dơi n’gâng kan ƀon lan nta nơih an gâp dơi hăn ƀư tahen. Gâp mbra nsrôih nchrăp uĕh ngăn gay trong ƀư tahen n’hanh rhŏ tâm tahen uĕh, tĭng ăp nău kan ma gưl bah lơ jao an. Rnôk jêh ƀư tahen ri mbra sĭt ƀon tơm gay kơl rnăk wâl n’hanh kơl uĕh an ntŭk ntô gŭ rêh, ƀon lan.

Tĭng trong nchrăp, nar ƀư jao, dơn tahen năm 2025 ƀư tâm lơ 13/2/2025 (jêng lah 16 khay ngoăy năm Ất Tỵ) . Đah âk băl mom, dơi but săch, ƀư tahen mô knŭng lah lĕ đah nău kan, ma hôm nău lap, ntô̆ n’hao.

“Khay pe n’har bri lah bôk nău kan ăp năm bâh ăp ntŭk kan Đoàn, Hội tâm n’gor Gia Lai gay ma ƀư na nê̆ nău kan “Gâp ŭch rŏng ngih dak gâp”. Khay 3/2024 đoàn nkuăl Đức Cơ lĕ tâm rgop ƀư bôk nău kan “Khay pe n’har bri”, pă jay tâm rŏng, ŭnh măt nar n’hanh hoc bổng an mom ndăm oh kon se ta ntŭk, nkre lah uănh săm ji n’hanh pă dak si mô sŏk prăk an nuĭh ƀon lan. Lôch nĕ lah bôk nău kan “Mom ndăm Gia Lai yor n’har bri Neh dak” ta xã Ia Pnôn, nkuăl Đức Cơ gay ma n’hao nău gĭt vât mpeh Luật n’har bri ngih dak  n’hanh n’huch bah ir geh nău tâm gŭ ur sai mô tŏng năm deh tâm đoàn viên, mom ndăm. Đoàn hôm nha nsrôih tât râng ăp nău kan tâm kơl, mât kloh ueh ngih rông, ngih nti. Đoàn viên Siu H Thanh an lah, nău kan aơ lĕ lah na nê̆ nău hăn lor bôk năp bâh Đoàn mom ndăm ntop trĕ lam nău tâm rnglăp, nău dơn kan ta ntŭk rêh jêng.“Gâp lah du hôm mom ndăm hôm nha dăng săk soan, ma xã he aơ lah xã n’har bri jêng lah gâp nơm an nsrôih ntop kan an ntŭk rêh jêng, kơl an xã nơm geh nău dơi ueh đah âk nău răm rhơn. Cán bộ ba lơ dŭt mât uănh tât he n’hanh pă ndơ vơt năm mhe an ƀon lan, tât uănh săm săk soan an nuĭh ƀon lan n’hanh pă dak si mô sŏk prăk an ƀon lan đŏng, nuĭh geh nău ji rĭ kơl săm dâl. Aƀaơ lĕ tât Tết hôm, khân păng dŭt mât kơl tât xã n’har bri aơ đah âk ndơ pă an dŭt khlăy gay ma tâm kơl đah ăp nău jêr jŏt bâh he ta aơ.