VOV4.M’nông – Tâm sam ƀŭt ntop tay mpŏng ŭch hun hao châu Á (ADO) 2022 dơi mbơh nar 21/7, Ngân hàng hun hao châu Á (ADB) mât nơm ơm nchroh mbơh hao jêng an Việt Nam ta rnoh 6,5% tâm năm 2022 n’hanh 6,7% tâm năm 2023, kơt dơi mbơh rnôk khay 4 năm 2022. Tĭng ADB, jâng wăng sa Việt Nam mât tay jâng nsan hao jêng wăng sa, knơm tăch rgâl hôm e dơi pơk hvi n’hanh rdâk hao ngăch lơn nău nchrăp bah nău kan nkra njêng, hăn nsong tâm dak n’hanh pă an prăk ntuh kơl nsum. Bôl rnoh ndoh ndơ lam ntŭr neh hao, lơn lah pring xăng lam ntŭr neh, mbra ƀư hao jêr jŏt mhe, yơn ndoh ndơ tăch hôm e âk tâm dak mbra kơl Việt Nam n’hŭch nău hao mhe tâm năm 2022. Tĭng nĕ, ADB mât nơm ơm rnoh nchroh hao mhe bah Việt Nam ta rnoh 3,8% an năm 2022 n’hanh 4,0% an năm 2023.

Nŭih blang: Y Sưng Phê Ja