VOV4.M’nông: Ôi lơ 15/7, Ban Tuyên giáo Trung ương ƀư rƀŭn lôch 6 khay bôk năm ndrel ntrŭnh ƀư 6 khay dŭt năm. 6 khay rlau aơ, Ban Tuyên giáo Trung ương hŏ nsôih ntrŭnh 20 bôk nau kan, rƀŭn nchră lôch ăp nau ntrŭnh, nau rđau đă bah Trung ương, ntrŭnh 6 bôk nau kan mbơh Bộ Chính trị, Ban Bí thư, kơl nchră nau ân Bộ Chính trị Ban bí thư ndrel tât ƀư dơi nau kan bah rmôt mĭn njêng, ntĭm nti, ntrŭnh ƀư ăp nau ntrŭnh, nau rđau, nau nchră bah Trung ương gưl 13.

Nkre lah, rđau ntĭm mbơh lam ntŭk kan tuyên giáo ntrŭt dăng nau kan ndâk njêng Đảng mpeh chính trị, nau mĭn, nau kan. Rơh rƀŭn uănh năl tâm rơh tât, Ban Tuyên giáo Trung ương rgum ndâk njêng ăp Bôk nau kan mbơh tĭng nkô̆, rƀŭn nchră lôch ăp nau ntrŭnh, nau rđau, nau rƀŭn lôch mpeh nau ntrŭnh, nau ƀư mbơh Rnâng kan rđau kan Trung ương, Ban Bí thư, đăp mpăn nau nâp, nau kan ngăch./.

Nŭih rblang: H’Thi