Tĭng bôk nău kan, lĕ 2 ngor mbra nglăp nsum jêng n’gor mhe ntơ Gia Lai, đah ntŭk kan hành chính- chính trị an ta nkuăl ƀon têh Quy Nhơn. N’gor Gia Lai mhe geh rnoh neh rlău 21.576km vuông, rnoh nuĭh rlău 3,58 rkeh nuĭh n’hanh 135 ntŭk kan hành chính gâl xã. Ta rơh rƀŭn nchră, ăp ding lĕ dơn ngoăy nău way pă dăp nău kan, pă cán bộ gay ma leo kan an tâm di geh săk rnglăy lôch nglăp nsum, nta nău kan an hun hao mhe. Bí thư n’gor ủy Bình Định Hồ Quốc Dũng lah na nê̆, nău leo ƀư ntŭk kan ngih dak n’hanh pă cán bộ an geh kơp na nê̆, mât đăp mpăn an tâm di, săk rnglăy. Bí thư n’gor Ủy Gia Lai Hồ Văn Niên an gĭt, nău kan lĕ geh dơn nău dơn ngoăy bâh trung ương, n’gâng kan ăp gâl tât ăp ntŭk kan chính trị- rêh jêng. Hội đồng nhân dân 2 n’gor lĕ geh nglŭh mbơh ăp nghị quyết tâm ban đah nău ntrŭnh aơ.