Ta nar ƀư, 58 rnăk Công an ntoh lư dơi mpư rnê, ntơh măt an rhiăng rbăn rnăk tâm lam mpôl Công an ƀon lan. Ăp rnăk geh du nău rêh, du nău nkoch êng êng, yơn rgum mâp ta du nău nsum lah nău n’groh an, nău tâm pă n’hanh jêng dâk kơl bah kơi nâp dăng gay cán bộ, tahen rlău dơi jêr jŏt, wat jêh uĕh lăng nău dơn kan.

Lah rđău đă ta nar ƀư, Thượng tướng Lê Quốc Hùng, Thứ trưởng Bộ Công an lah rjăp, đah mpôl công an ƀon lan, rnăk wâl lah nuĭh dâk kơl bah kơi nâp dăng, lah ntŭk nsing nuih n’hâm ntop kơl tay nău nđơr gay ăp tahen rlău ăp krit jêr, mât du nău ton yor an n’gâng kan mât rnă njrăng neh dak. Thứ trưởng Lê Quốc Hùng ŭch rŏng ăp rnăk wâl Công an ntik n’hao tay nău way ơm, ntĭm nti oh kon gŭ rêh geh nău uĕh di, rgop rdâk njêng mpôl công an nar lơn ma nâp dăng tâm rơh hun hao mhe bah neh dak.