VOV4.M'nông: Kêng măng 15/7, ta nkual ƀon têh Đà Lạt, Bộ trưởng Bộ Kế hoạch n'hanh Đầu tư Nguyễn Chí Dũng ndrel mpôl hăn pah kan hŏ geh rơh pah kan đah n'gor Lâm Đồng.  Rơh pah kan rgum uănh năl jêh geh 20 năm tĭng ƀư Nghị quyết mbrô 10 n'hanh 10 năm tĭng ƀư trong nchrăp n'glôch jêh 12 bah Bộ Chính trị ta n'gor. Bah nê an saơ, wăng sa bah Lâm Đồng geh nău hun hao dăng lĕ mpeh rnoh têh hvi n'hanh săk geh.

Rnoh ngăch hun hao wăng sa rĭng geh 10,4%; sŏk geh prăk ngih dak ntơm bah 504 rmen prăk tâm năm 2002 hao rlău 11.000 rmen prăk tâm năm 2021; lĕ rngôch tơm prăk ntuh kơl lam rêh jêng kon nuĭh bah năm 2021 geh 27.365 rmen prăk, âk rlău 19 tơ̆ rđĭl đah năm 2002. Ndrel đah nê, suan dăng tâm rlong bah jâng wăng sa, ndơ dŏng an nău kan hun hao wăng sa -rêh jêng kon nuĭh mô rlu  dơi mât uănh ntuh kơl ăp tŏng n'hanh rgâl mhe; tĭng ƀư jăp pah kan jut jăng ach o, đăp mpăn lam rêh jêng kon nuĭh, rnă njrăng chính trị n'hanh đăp mpăn lam rêh jêng kon nuĭh nâp dăng./.

Nuĭh rblang: Điểu Thân