Tĭng trong nchrăp bah Trung ương, tât aơ tay, ăp n’gor Lâm Đồng, Bình Thuận n’hanh Dak Nông mbra nglăp nsum n’gor Lâm Đồng mhe, ngih pah kan hành chính mhe gŭ ta nkual ƀon têh Đà Lạt, n’gor Lâm Đồng. Nchrăp mbra geh 2.000 cán bộ, công chức, viên chức n’hanh nuĭh pah kan bah n’gor Dak Nông trơn tât nkual ƀon têh Đà Lạt pah kan.

Jêh hăn uănh, nklăp 20% tâm rnoh aơ geh nău ŭch pah kan tĭng nkual lah dơi gưl geh nău dơi mkra an. Geh tât nău dăp rmôt n’gâng kan n’gor Lâm Đồng jêh nglăp nsum, nchrăp mbra wơt dơn bơi 7.750 nuĭh pah kan tâm n’gâng kan hành chính bah ăp n’gor lor nglăp nsum. Aƀaơ, Hội đồng nglăp nsum n’gor mhe lĕ ndâk ƀư ăp trong ntop kơl ndeh ncho, ntŭk gŭ... gay kơl rmôt cán bộ, công chức, viên chức n’hanh nuĭh pah kan đăp mpăn nău rêh, nchrăp dơn nău kan ta ntŭk pah kan mhe.