VOV4.M’nông-  Ôi nar 20/7, ta Vĩnh Phúc, Hội đồng lý luận Trung ương ntơm pơk rơh rƀŭn nchră tal poăn năm kan 2021-2026. Đồng chí Nguyễn Xuân Thắng, Ủy viên bộ chính trị, kruanh Hội đồng lý luận trung ương, Giám đốc Học viện chính trị ngih dak Hồ Chí Minh leo rơh rƀŭn nchră. Rơh rƀŭn nchră lĕ tâm nchră, tâm rgop ta pe nău nchrăp kan mbơh tơih nău ôp nău bâh hội đồng, tâm rgop kơl an nchrăp rơh rƀŭn nchră Trung ương 6 khóa 13, nchrăp geh ƀư ta khay 10 tay, geh nđâp: du đê̆ nău lý luận, nău ngăn bâh 15 năm ƀư tĭng Nghị quyết Trung ương 5 khóa 10 mpeh rgâl mhe tay trong leo kan bâh Đảng đah nău kan bâh lĕ trong kan chính trị. Du đê̆ nău lý luận nău ngăn mpeh rdâk njêng n’hanh ƀư lôch Ngih dak pháp quyền xã hội chủ nghĩa Việt Nam tât năm 2030, mpŏng uănh tât năm 2045. Du đê̆ nău lý luận, nău ngăn mpeh nău ntrŭnh, nău kơl công nghiệp mhe, nău rêh mhe bâh ngih dak tât năm 2030, mpŏng uănh tât năm 2045. Đồng chí Nguyễn Xuân Thắng dăn đă ăp đại biểu, ăp nuĭh way kan rgum tâm nchră, tâm rgop nău ta ăp nău nchrăp mbơh tơih đah nău dơn kan têh kuăng, sŏk nĕ lah nău kan khlăy gay ma ƀư lôch pe nău mbơh tơih bâh n’gâng kan chính trị, Ban bí thư, ngăch ndăn kơl an rơh rƀŭn nchră Trung ương 6 khóa 13.

Nuĭh rblang: Thị Đoắt