VOV4.M'nông: Nthoi tay rơh hop Chính phủ way ăp khay khay 7/2022, kêng măng 3/8, Chính phủ tâm nchră mpeh nô nău tĭng ƀư n'gluh tơm prăk ntuh kơl ngih dak. Lah ta rơh hop, Thủ tướng Phạm Minh Chính lah kloh, mhe aơ, Chính phủ ntrŭt đă tay 6 rmôt pah kan hop đah ăp n'gâng kan, ăp n'gor joi nkô̆ gay ntrŭt ntrôl uĕh lơn nkô̆  nău n'gluh tơm prăk ntuh kơl ngih dak.

Nsing ta nău ngăn geh hŏ rđău đă, ôp uănh,  groi nđôi mhe aơ bah ăp rmôt pah kan hŏ ndơ̆ luh nău uănh năl, ân rblang nkô̆ ndơ  lơh dĭng âk rnoh prăk ntuh kơl ngih dak an ƀư dâk hao tay n'hanh hun hao wăng sa hôm mbrơi n'gluh dŏng. Thủ tướng đă ân joi kloh nkô̆, ntŭk lah nkô̆ mpeh nău way kan, nkô̆ nău way kan dja mpeh nuĭh dơn kan, mpeh Chính phủ ri Chính phủ ân ƀư, mpeh ăp bộ ri ăp bộ ân ƀư./.  

Nuĭh rblang: Điểu Thân