Tâm 2 nar 10 n’hanh 11/10, ta nkual ƀon têh Kon Tum ƀư Đại hội đại biểu ăp rnoi mpôl đê̆ n’gor Kon Tum tâl IV. 5 năm aơ, tĭng ƀư geh nău dơi Đại hội tâl III, pah kan rnoi mpôl đê̆, ăp bôk nău kan, trong kơl rnoi mpôl đê̆ dơi n’gor Kon Tum tĭng ƀư geh nău dơi dŭt khlay. Ntoh lư lah Rơh rgŏ jă “Ƀư rgâl nău mĭn, trong kan bah ƀon lan rnoi mpôl đê̆, ƀư an ƀon lan rnoi mpôl đê̆ nsan hao klaih rlău ach o jŏ jong” kơl rlău 15.300 rnăk ach o, dăch kêng ach o nsan hao ƀư klaih rlău ach o jŏ jong.

Bah tơm prăk ăp bôk nău kan, n’gor Kon Tum hŏ ntuh kơl nkra, mon mhe rlău 1.160 ndơ dŏng ta nkual ƀon lan rnoi mpôl đê̆ kơl nuĭh ƀon lan dơh tâm nău pah kan jan sa, hun hao wăng sa n’hanh nău rêh. Đại hội lah rjăp gung trong mô rgâl bah Đảng n’hanh Ngih dak mpeh nkô̆ nău rnoi mpôl đê̆ n’hanh tâm rnglăp lam rnoi nuĭh. Đại hội mpư rnê 11 mpôl, 25 nuĭh geh nău dơi ntoh lư tâm pah kan rnoi mpôl đê̆, trong kơl rnoi mpôl đê̆.