Ôi ntri (11/8), ta Hà Nội, Đảng bộ Học viện Chính trị quốc gia Hồ Chí Minh hŏ ƀư rgum Đại hội đại biểu Đảng bộ Học viện Chính trị quốc gia Hồ Chí Minh tâl 15, năm kan 2025-2030.

Đah trong rƀŏng: Tâm rnglăp – Geh nău tâm ban- nău way – đăt ndal- hun hao, năm kan 2025-2030 Đại hội n’gluh rnoh tât lah: Rdâk njêng Đảng bộ Học viện kloh rvah, nâp dăng lam lĕ rngôch, tâm rnglăp, ntĭt leo lor, geh nău tâm ban, tĭng nău way, đăt ndal, hun hao, wat jêh ngăch prăl ăp nău dơn kan tât năm 2030; rđău đă hun hao Học viện jêng ntĭt leo lor mpeh ntĭm nti, kơi năp nău gĭt blău cán bộ, ntŭk rgum kan gưl neh dak mpeh gŭ mĭn chủ nghĩa Mác - Lênin n’hanh nău mĭn Hồ Chí Minh. Gay Đảng bộ Học viện rđău đă wat jêh ăp nău dơn kan năm kan tât, Bí thư Đảng ủy ăp nhih pah kan Đảng Trung ương Trần Cẩm Tú dăn đă: Uănh khlay tay rdâk njêng Đảng bộ Học viện kloh rvah, nâp dăng, lah Đảng bộ ntoh lư, ntĭt leo lor tâm Đảng bộ ăp nhih pah kan Đảng Trung ương; mât chăm rdâk njêng rmôt cán bộ, đảng viên, giảng viên ntĭt leo lor ngăn mpeh ăp ntil, sôt hơr mpeh lý luận, jru mpeh nău way kan, grêt dăch đah ngăn ngăn, geh nău dơi pah kan tâm ntŭk lăp rgum dak bah dih.