Nău mbơh đah Mpôl pah kan, Bí thư N’gor ủy Lâm Đồng Y Thanh Hà Niê Kđăm an gĭt, jêh rnôk rnglăp nsum n’hanh mbơh ƀư ntrong kan n’gâng kan ƀon lan 2 gưl, nu nău wăng sa-rêh jêng bah n’gor ntơm đăp mpăn. 6 khay bôk năm, wăng sa hao 7,9%; sŏk an tơm prăk geh rlăy 18.800 rmen prăk; wăch rgum nklăp 100 nău nchrăp ƀư ntuh kơl đah dĭng lĕ dăn bơi 200 rbăn prăk.

N’gor dôl rgum dôh rklaih ăp nău nchrăp hôm e wăk kol, ntrôl ngăch pă an prăk ntuh kơl nsum, nsôih geh hao jêng bah 10% let lơ tâm năm 2026. N’gor dăn đă Quân ủy Trung ương, N’gâng kan mât njrăng bri dak uănh tât, kơl an bôk nău rgop an tâm nchră trong kơl, nău kơl êng hun hao nău kan công nghiệp bô xít-alumin-nhôm. Ntoh ngơi ta nar pah kan, Đại tướng Nguyễn Tấn Cương đă n’gor Lâm Đồng mât uĕh nău geh, hăn ndrel hun hao wăng sa đah nâp nâl mât njrăng bri dak, rnă njrăng; n’hao tâm rgop đah ăp rmôt tâm mât njrăng n’har bri n’hanh ntrôl dăng trong kan joi, rgum nting tahen.