Tĭng nău ntrŭnh bah Thủ tướng Chính phủ, Trung tướng Trương Mạnh Dũng, Tư lệnh Quân khu 1 dơi đă, săch ƀư Groi Tổng Tham mưu trưởng. Thiếu tướng Trần Xuân Mạnh, Groi Tư lệnh, Tham mưu trưởng Quân khu 1 dơi jao wơt dơn nău kan Tư lệnh Quân khu. Ntoh ngơi ta Rƀŭn nchră, Đại tướng Phan Văn Giang djôt dơn, uănh lah prêh ăp nău rgop bah Trung tướng Trương Mạnh Dũng tâm ntĭm rđău, ƀĭt joet rmôt vũ trang Quân khu lôch uĕh nău kan, mât nâp đăp mpăn ta ntŭk, ndâk njêng trong mât njrăng bri dak lam ƀon lan nâp nâl.

Đah Thiếu tướng Trần Xuân Mạnh, Đại tướng đă ta nău kan mhe mât uĕh tay nău blău ơm, ndrel nsum mpôl Đảng ủy, Bộ tư lệnh Quân khu 1 rgum ntĭm rđău ƀư uĕh nău kan tahen, mât njrăng bri dak; n’hao uĕh nâp lĕ rngôch, soan dăng tâm lơh; nchrăp gĭt nu nău, mô an ndrăt ndal. Nkre, n’hao ndâk njêng nkual njrăng rdâng, tâm rgop hun hao wăng sa-rêh jêng đah mât njrăng bri dak, rnă njrăng; mât nâp tâm rnglăp tâm ntŭk kan, rhăt jăp kỷ luật, mât uănh nău rêh tahen, rgop lôch ueh ăp nău kan dơi jao.