Kêng măng 26/8, ta n’gor Cao Bằng, Mpôl pah kan kruanh rđău kan Đảng, Ngih dak n’hanh Bộ Quốc phòng tă bah Đại tướng Phan Văn Giang, Ủy viên Bộ Chính trị, Groi Thủ tướng Chính phủ, Bộ trưởng Bộ Quốc phòng ƀư kruanh mpôl pah kan, râng n’hanh ntăm an Huy hiệu 80 năm lăp Đảng rơh 2/9/2026 an đảng viên Nguyễn Khánh Trung, dôl gŭ rêh ta Chi bộ tổ dân phố Hoàng Tung, phường Thục Phán.

Lah ta rơh lễ, Đại tướng Phan Văn Giang mbah rhơn wa Nguyễn Khánh Trung rhơn n’hao dơn Huy hiệu 80 năm lăp Đảng, nklâm ndơ nkhôm rnê têh khlay nchih nkah rnôk tiăr nti, n’groh an n’gâng kan cách mạng bah Đảng. Aơ lah nău rhơn n’hao êng săk bah rnăk wâl, ƀon tơm n’hanh Đảng bộ n’gor Cao Bằng. Đại tướng Phan Văn Giang lah rjăp, rlău âk ntŭk gŭ pah kan êng êng, wa Nguyễn Khánh Trung way mât nâp han săk chính trị, du nuih n’hâm tĭng Đảng, Neh dak n’hanh ƀon lan; lĕ nuih n’hâm, ntĭt leo lor, dăch dêh đah nsum mpôl. Lôch rlu pah kan, păng hôm mât nuih n’hâm uĕh lŏng, nsrôih râng trong leo kan ta ntŭk, lah ntŭk nsing nuih n’hâm bah rnăk wâl n’hanh nuĭh ƀon lan.