VOV4.M’nông- Di rơh kahgĭt 75 năm nar tahen sôt rmanh, tahen khĭt tâm lơh 27/7, mpôl pah kan bâh quân ủy Trung ương, n’gâng kan mât rnă njrăng ngih dak yor Đại tướng Phan Văn Giang, Ủy viên Bộ chính trị, groi Bí thư quân ủy Trung ương, kruanh n’gâng kan mât rnă njrăng ngih dak leo hăn lĕ tât khâl, pă ndơ Trung ương hội cựu chiến binh Việt Nam. Ndơn kan an Quân Ủy trung ương, n’gâng kan mât rnă njrăng ngih dak, Đại tướng Phan Văn Giang mpơl nău lah ueh ta năp ăp nău kan, ntop kơl, tâm rgop têh kuăng bâh ăp rơh mom ndăm tahen ơm đah nău kan rklaih đăp mpăn mpôl rnoi, dơn ngoăy neh dak n’hanh nău kan rdâk njêng, mât đăp mpăn ngih dak Việt Nam xã hội chủ nghĩa. Đại tướng Phan Văn Giang ŭch tâm let năp tay, Hội cựu chiến binh Việt Nam n’hanh n’gâng kan mât rnă njrăng ngih dak geh mât rbăy, n’hao nău tâm boh kan dăch bên, ueh mhe. Ăp rơh tahen ơm Việt Nam an geh mât uănh, geh âk nău tâm rgop têh khlăy an nău hun hao bâh tahen n’hanh neh dak.

Nuĭh rblang: Thị Đoắt