VOV4.M’nông – “Dak Lak an nsrôih lơn tay njrăng n’gang rmok dak ta kon se”, aơ lah nău đă bah Mpôl pah kan bah Ủy ban Văn hóa-Ntĭm nti Quốc hội khóa 15 rnôk pah kan đah UBND n’gor Dak Lak mpeh nău ƀư tĭng nău kơl, pháp luật njrăng n’gang rmok dak kon se ta lam n’gor ta kêng măng 11/8. Tĭng nău mbơh bah UBND n’gor Dak Lak, nău rmok dak ta kon se ta n’gor hôm e geh ƀa ƀơ, rnoh kon se khĭt năm bah kơi âk lơn năm bah năp.

Wa Tạ Văn, Groi Chủ nhiệm Ủy ban Văn hóa-xã hội Quốc hội ntoh ngơi ta nar pah kan.

Năm 2022, lĕ geh 55 nuĭh khĭt, rgum âk ta ăp oh bah 6 tât 13 năm deh. Ntoh ngơi ta nar pah kan, wa Tạ Văn Hạ, Groi Chủ nhiệm Ủy ban Văn hóa-xã hội bah Quốc hội lĕ nkoch ăp jêr jŏt n’hanh mô hŏ dơi ƀư ma n’gor Dak Lak dôl mâp. Nkre đă ăp gưl, ăp nău kan tâm n’gor an n’hao lơn tay nău kan khlay tâm trong kan nkoch trêng, ntĭm nti n’hao nău wât an lam ƀon lan mpeh njrăng dêr rmok dak ta kon se.

Nuĭh rblang: Y Sưng Phê Ja