GRDP 6 khay bôk năm bah n’gor Dak Lak geh tât 7,84%. Tâm 12 rnoh tât kan tơm khlay, mhe geh 5 rnoh kan tât tĭng trong nchrăp dơm.

Ntŭk kô̆ yơn hun hao aƀaơ bah Dak Lak rgum lơn âk ta trong kan rdâk njêng n’hanh rhŏ dŏng. Tât nar 10/7, lam n’gor mhe n’gluh rlău 2.900 rmen prăk, geh tât nklăp 30% trong nchrăp tơm prăk dơi jao. Gay tât rnoh hun hao rlău 10%, 6 khay kêng dŭt năm, GRDP bah n’gor Dak Lak ân đăt ndal, tâm nê nkual công nghiệp – rdâk njêng ân jêng suan ntrôl ngăn. Wa Đỗ Hữu Huy, Kruanh UBND n’gor Dak Lak đă tĭng n’gâng kan, tĭng ntŭk tâm dâng ra uănh tay trong tor hun hao, rgum nkra bah ăp kô̆ yơn kol khan, đăng ký rnoh tât tĭng ƀư tĭng quý gay ƀư ntŭk nsing uănh năl lôch jêh tĭng ƀư rnoh tât kan KPI.