Bar nău nchrăp ƀư geh Nkual ƀon lan gŭ têh Tổ dân phố 8, têh hvi rlău 19 ha, nchrăp rnoh khlay ntơm ƀư rlău 1.682 rmen prăk; n'hanh Nkual ƀon lan gŭ têh ntŭk ntô rêh jêng nău ueh êng kon nuĭh , pâl nđaih rnoi nuĭh Dak Lak, têh hvi rlău 44 ha, nchrăp rnoh khlay ntơm ƀư rlău 2.321 rmen prăk. Lĕ bar nău kan dơi ƀư tĭng trong ƀư tâm rlong tăch đah rnoh khlăy nău nchrăp ƀư n'hanh dôl ƀư lôch jêh ăp sam ƀŭt geh tât. Ta Nkual ƀon têh ntŭk ntô rêh jêng nău ueh êng kon nuĭh, pâl nđaih rnoi mpôl đê̆ Dak Lak, pah kan sŏk neh dôl mâp jêr jŏt yor du đêt nŭh mô hŏ năl tu tơm neh, tâm rnôk prăk dŏng ƀư hôm e mô tŏng yor rlău dĭng lĕ rnoh ntuh kơl. Uănh năl ntŭk ntô nkual n'glău Ea Nao, gŭ njok tĭng nkual mpeh bah dâng bah Nkual ƀon têh ntŭk ntô rêh jêng, nău ueh êng kon nuĭh pâl nđaih rnoi mpôl đê̆ n'gor Dak Lak, Kruanh UBND n'gor Đỗ Hữu Huy an lah nău nchrăp ƀư aƀaơ mô hŏ dŏng lĕ rnoh khlay ntŭk ntô n'hanh neh ntu wăr n'glău dak. Wa đă gŭ mĭn rgâl di dăp rgum, tâm pă ăp ntŭk rhŏ dŏng tâm di, nkre mât uĕh ntŭk ntô, nkre njêng tơm prăk gay ntuh kơl tay ntung trong n'hanh nkra uĕh tay nkual.