Jêh du năm mbơh ƀư, n’gor Dak Lak lĕ kơp uănh tay 102 ntŭk kan hành chính gưl xă, ndơ̆ an ntŭk kan rhŏ an hành chính nsum lăp dŏng, rgop ndơ̆ n’gâng kan ƀĭt joet, n’hao uĕh mkra samƀŭt hành chính n’hanh rhŏ an nuĭh ƀon lan, doanh nghiệp.

Yơn lah, ntŭk hôm e mâp jêr jŏt mpeh tâm rgop hao đah ăp gưl, mô tŏng nuĭh kan way kan ta du đêt ntil nău n’hanh jêr jŏt ƀư âk nău kan đah cán bộ bah dâng. Ntoh ngơi ta nar pah kan, Groi Kruanh mpôl rdâk ƀư Trung ương Bùi Thị Quỳnh Vân djôt dơn ăp nău dăn đă bah n’gor Dak Lak geh tât rmôt kan ƀĭt joet, biên chế, trong nău kơl n’hanh rgâl mrô gay rgum lĕ, mbơh geh nău dơi, ƀư nkô̆ nău jêh trong ƀư, nău kơl tâm năm tât.