Dak Lak dăp rgum âk ntŭk gŭ kan kruanh n’gâng tơm
Thứ ba, 06:50, 16/06/2026
VOV Tây Nguyên/Nuĭh rblang: Điểu Thân
VOV Tây Nguyên/Nuĭh rblang: Điểu Thân
VOV.M'nông - Ôi 15/6, Tỉnh ủy Dak Lak ƀư Tâm nchră mbơh n’glêh an mpeh pah kan cán bộ. Ban Thường vụ Tỉnh ủy mbơh 15 n’glêh an mpeh tâm pă, rgum đă, ntăm n’hao n’hanh nchŏng đă cán bộ ta ăp nhih pah kan nsŏng kơl bah Tỉnh ủy n’hanh ăp xã, phường ta n’gor.
Tâm nê, wa Trần Văn Tân, Tỉnh ủy viên, Giám đốc Sở Tài chính dơi rgum đă, ntăm n’hao ƀư Groi Kruanh ban Tổ chức Tỉnh ủy.
Tâm nchră mbơh 5 n’glêh an bah Kruanh UBND n’gor mpeh rgum đă, ntăm n’hao kruanh rđău kan ăp n’gâng kan ta n’gor. Tĭng nê, wa Bùi Hồng Quý ƀư Giám đốc Sở Nông nghiệp n’hanh Môi trường; wa Nguyễn Minh Huấn ƀư Giám đốc Sở Tư pháp; wa Cao Đình Huy ƀư Giám đốc Sở Tài chính. Âk cán bộ kruanh rđău kan gưl xã, phường dơi rgum đă, tâm pleh gay n’hao nău dơi rđău kan, mât bôk kan tâm dâng đŏng, tŏng an nău ŭch geh hun hao bah n’gor.
Viết bình luận