VOV4.M’nông: Lơ 26/7, Rnâng kan rđau kan n’gor Dak Lak mpeh nau joi, rgum ndrel năl moh săk bah ăp tahen geh ƀư rơh rƀŭn nau kan joi, rgum nting tahen hăn kơl an ndrel nŭih pah kan bah Việt Nam khĭt tâm rnôk tâm lơh ta Campuchia, yan vai năm 2021-2022. Tĭng nau mbơh ta rơh rƀŭn, jêh rlau 4 khay ntrŭnh ƀư, rmôt kan hăn n’gor Mondulkiri (Campuchia), cán bộ, tahen Đội K51 hŏ joi, rgum geh rlau 15 nting tahen ê geh năl moh, tâm nê geh du ntil ndơ lah mâng nchih kim tinh, geh nchih moh (Ngọc Chút-27/9/66).

  Bah nau kuai, Đội K51 hŏ ƀư ân rjăp gay ma năl tâm di ntil ndơ bah tahen Việt Nam, nkre sŏk nting uănh năl ăp tahen jao ân Sở Lao động-Thương binh ndrel Xã hội n’gor Dak Lak tâm di nau ntrŭnh. Jêh leo 15 nting tahen sĭt, n’gor uỷ, UBND n’gor Dak Lak ƀư chang ndrel leo tâp lĕ 15 nting tahen tâm môch tâp bah n’gor.

Tâm nar rƀŭn, UBND n’gor Dak Lak kŏ kơp nau nchrăp, nkô̆ nau, lŏ ƀư ân ueh geh nau dơi nau rgum joi, leo nting tahen ndrel rmôt kơl an ndrel nŭih kan bah Việt Nam khĭt bah ăp rnôk tâm lơh ta Campuchia./.

Nŭih rblang: H’Thi