Aơ lah trong kan gay ma doh rklaih ăp nău kŏ kol tâm ntrong kan gĭt tu tơm tăm, nkre lah rgâl bâh mât uănh hành chính jêng mât uănh knơm ta rnoh mbrô. Đăk Lăk aƀaơ geh rlău 410 rnoh mbrô nkual tăm sầu riêng, rnoh neh klâp ma 11 rbăn ha n’hanh 73 ntŭk tâl dŭng geh pă rnoh mbrô. Tâm rnôk nĕ, lĕ rnoh sầu riêng ta lam n’gor geh 44 rbăn ha, rnoh geh năm 2026 nchrăp geh klâp ma 500 rbăn tấn. Nău ŭch bâh nău kan mô dơn doh rklaih ăp nău kan, gĭt na nê̆ tu tơm, ma hôm nha geh rgâl ntrong pah kan jan sa, mât uănh n’hanh tâm rgop ntŭk tăch rgâl. Nău rdâk njêng ntŭk rnoh mbrô mbra tâm rgop ƀư kloh ueh ntrong pah kan jan sa, an tâm di đah nău ŭch tăch ndơ an dak bah dih, n’hao nău dơi tâm rlong n’hanh hun hao n’gâng kan sầu riêng.