Tât râng rơh rƀŭn nchră geh 250 đaị biêủ lah cán bộ ƀư nău kan phung chroh, linh mục, chức sắc, chức việc n’hanh nuĭh kan ta hội đồng mục vụ bâh Giáo phận Ban Mê Thuột n’hanh Giáo phận Quy Nhơn.  Ăp đại biểu geh mbơh na nê̆ nău ntrŭnh, nău kơl bâh Đảng, ngih dak, ăp nău mhe bâh Luật phung chroh, nău chroh năm 2026, nău tâm boh kan đah ngih dak Việt Nam n’hanh Toà thánh Vatican, dơn kan bâh Công giáo Việt Nam tâm rdâk njêng nău tâm rnglăp lĕ ƀon lan. Tĭng wa Nguyễn Tiến Trọng, groi kruanh rnâng kan Tôn giáo chính phủ, Luật phung chroh, nău chroh năm 2026 geh tam bâh lơ 1/1/2027. Nău mbơh tơih nău ntrŭnh mhe mbra geh tâm rgop n’hao an săk rnglăy tâm rgop đah n’gâng kan n’hanh ăp ntuk leo phung chroh tâm nău mbơh tơih nău kơl kan.