VOV4.M’nông – Ndrel đah ăp kon hŏk ta lam dak, nar 7/7, rlău 20.000 kon hŏk ta Dak Lak ntơm lăp nar tâm rlong bôk năp rơh tâm rlong tốt nghiệp trung học phổ thông năm 2022. Bah meng nău nsrôih bah ăp oh lah nău uănh mât bah me bơ̆ n’hanh nău hăn ndrel bah nsum mpôl. Tĭng nău ntrŭnh bah N’gâng kan ntĭm nti, 6h30 kon hŏk geh măt ta ntŭk tâm rlong. Đah nău ntrŭnh mhe bah năm aơ, kon hŏk mbra njuăl ndơ, kho ao ƀah 25m, jêh nĕ rgum bah năp jrô tâm rlong gay nuĭh uănh kuăl lăp jrô tâm rlong.

Ăp kon hŏk dơi ăp nuĭh kơl ntop an dak ngêt.

Gay đăp mpăn mông nar, bah 6h, dŭt âk kon hŏk n’hanh me bơ̆ lĕ geh măt ntŭk tâm rlong. Gay ntop kơl kon hŏk tâm rnôk tâm rlong, rmôt druh ndăm kơl kan yan tâm rlong ta ăp ntŭk tâm rlong ntĭm ăp kon hŏk lăp jrô tâm rlong. Đah nău mât uănh bah me bơ̆ n’hanh nău nsrôih bah nsum mpôl, ăp kon hŏk ta Dak Lak đăp mpăn, janh lăp rơh tâm rlong tốt nghiệp THPT năm 2022.

Nŭih blang: Y Sưng Phê Ja