Năm 2026, Dak Lak geh 5 trong nchrăp kan ODA dôl an ƀư, đah lĕ rngôch rnoh prăk ntuh kơl rlău 2.836 rmen prăk. Trong nchrăp tơm prăk dak bah dih dơi jao tâm năm bơi 704 rmen prăk, hŏ tâm pă 100% an ăp trong nchrăp kan. Yơn lah, tât nar 30/9, rnoh prăk mhe n’gluh geh bơi 174 rmen prăk dơm, tâm ban đah bơi 25% trong nchrăp.

Lvang năm 2026-2030, Dak Lak rƀŏng trong an ƀư lor kuăl jă tơm prăk ODA n’hanh tơm prăk manh dơh dak bah dih an ăp ntung trong buăt nthoi ntêng lêng nkual, dak bât, ntŭk gŭ rêh, rdâng lơh đah rgâl duh nđik trôk nar n’hanh hun hao đô thị. Gay nsĭt geh rêng lam bah tơm prăk ODA, groi Kruanh UBND n’gor Dak Lak Nguyễn Thiên Văn  đă nău rgŏ jă tơm prăk ân geh rgum tơm, tâm di đah nău ŭch geh hun hao bah n’gor n’hanh trong rƀŏng bah ăp nuĭh tơm kơl.