Tĭng nău mbơh tơih, hun hao wăng sa tâm 6 khay bôk năm bâh n’gor Đăk Lăk geh 7,8% đê̆ lơn nău mbơh ta rlău 9%. Tâm 12 nău mpŏng kan tơm, geh 5 nău kan dơi geh n’hanh rlău đah nău nchrăp kan, 1 nău mpŏng kan tơm khlăy dơi geh, 6 nău mpŏng kan ê hŏ dơi geh. Nău rgum lĕ rnoh kan, pă prăk ntuh kơl kan nsum, ntrơn ntŭk gŭ n’hanh pah kan jan sa, tăch rgâl bâh doanh nghiệp ta Đăk Lăk dôl geh mâp âk nău jêr. Ta rơh rƀŭn nchră, HĐND n’gor Đăk Lăk mbra geh uănh n’hêl 30 nău mbơh tơih, 20 nău mbơh nchrăp nghị quyết geh tât ăp trong kan tơm prăk- rnoh kơl kan nsum, rgâl mhe rnoh mbrô ntĭm nti, dak si- rnă njrăng, njrăng rdâng mih sial n’hanh leo kan n’gâng kan ta ntŭk 2 gưl. Nkô̆ nău ôp nău n’hanh ơh nău ôp lĕ geh rgum ta nău mpŏng kan ăp nău nchrăp kan, pă prăk ntuh kơl nsum, doh rklaih nău dăn đă bâh nuĭh ƀon lan n’hanh doh rklaih ăp nău kŏ văk tâm nău mât uănh, leo kan.