VOV4.M’nông- Ta nkuăl ƀon têh Buôn Ma Thuột, Hội nông dân n’gor Dak Lak ƀư ntơm pơk pơh mbơh tơih, tăch rvăt ndơ tuch tăm ntoh lư n’gor Dak Lak năm 2022 n’hanh rgŏ jă nău tâm rlong “Ƀon lan kan lŏ mir pah kan jan sa, tăch rgâl ndơ tuch tăm, ndơ sông sa đăp mpăn kloh ueh ndrel đah nău mât ueh ntŭk gŭ rêh”. Geh ƀư bâh aƀaơ tât lĕ nar 13/7 tay, bôk nău kan pơh tăch rvăt ndơ tuch tăm ntoh lư ta Dak Lak năm 2022 geh pă jêng 2 gâl kan, tâm nĕ, bâh nar 7-9/7 leo mbơh tơih, tăch rvăt ndơ tuch tăm ta n’gor, ndơ dŏng kan tuch tăm công nghệ mhe, tuch tăm hữu cơ. Bâh nar 10-13/7, gâl nkuăl leo ƀư ăp nău pah kan mbơh n’hơ, mbơh tơih, tăch rvăt ndơ tuch tăm ta ntŭk. Bôk nău kan năm aơ geh 60 ndrơng ndơ bâh Hội nông dân ăp nkuăl, nkuăl têh, nkuăl ƀon têh tâm n’gor Dak Lak n’hanh ăp n’gor Gia Lai, Kon Tum, Dak Nông, Lâm Đồng, An Giang, Đà Nẵng tât râng.

                    Nuĭh rblang: Thị Đoắt