Nău kan gay ma njêng rơh tâm rlong, rgum nău lăp kan bâh ăp gưl kan, ăp n’gâng kan n’hanh ntŭk kan, doh rklaih ăp nău kŏ văk mpeh nău ntŭk ƀư kan, ntrôl ngăch ƀư ăp nău kan tơm ta ntŭk. Nău kan rgum ta 40 nău kan tơm, nsrôih uănh năl, mbơh nău ngăch ƀư tât lĕ rngôch ăp nău kan, ƀư lôch uănh năl lĕ rngôch ăp ntil săm ƀŭt nchih tâm trok tŏng nău dơi geh tât 90-95% rnoh neh ntrơn ntŭk gŭ tĭng nău nchrăp ta ăp nău kan, pă an lĕ rngôch rnoh prăk tâm trok, kơl an, njêng tay ntŭk gŭ mhe lĕ geh pă dăp n’hanh doh rklaih lĕ ăp nău tâm lah tâm phong, dăn đă bâh nău dơi kan. Ntrong kan geh mbơh tơih tâm 45 nar đah 3 rơh, geh uănh nđôi, doh rklaih ăp nău kŏ văk, rgum tât nău uănh kơp, an dŏng nău kan, trok n’hanh pă ntrơn ntŭk gŭ gay ma ƀư nău kan, ƀư lôch ăp nău mpŏng kan hôm e, rmal ăp nău hôm nha klen khan, nglôch lôch, uănh nău nău geh pah kan.