VOV4.M'nông: Lôch rnôk Cục Bảo vệ thực vật, Bộ Nông nghiệp - Phát triển nông thôn an gĭt, nar 11/7, Tổng cục Hải quan Trung Quốc hŏ ký ngăn Nghị định thư mpeh đă ŭanh năl bu tuh đah play sầu riêng tăch n'gluh bah Việt Nam tât dak dja.

Tĭng nê, play sầu riêng bah Việt Nam mbra dơi rvăt n'glăp rlău ăp mpông n'har bri bah Trung Quốc rnôk dŏng ăp nău đă rvăt n'glăp. Nghị định thư geh nău tam tâm 3 năm. Aơ lah nău mpơl rhơn đah nuĭh tăm sầu riêng lam dak lah nsum n'hanh Dak  Lak lah êng. Tĭng Sở Nông nghiêp -Phát triển nông thôn Dak Lak, lam n'gor geh nklăp 17.000 ha sầu riêng, tâm nê geh nklăp 15.000 ha an klêh play; rnoh âk nklăp 140.000 tấn. Rĭng ăp năm geh tât 70% rnoh âk play sầu riêng Dak Lak tăch n'gluh tât Trung Quốc tĭng trong glăt./.  

Nuĭh rblang: Điểu Thân