Dak Lak tiăr nti an nuĭh dơi nsing nơm nkual rnoi mpôl đêt
Thứ tư, 14:02, 24/06/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Ôi 23/6, ta phường Buôn Ma Thuột, N’gâng kan Dân tộc n’hanh Tôn giáo n’gor Dak Lak ƀư rƀŭn nchră tiăr nti, ntop tay nău wât an nuĭh dơi nsing nơm tâm nkual rnoi mpôl đêt n’hanh nkual yôk năm 2026.
Rlău 130 đại biểu dơi mbơh ăp nkô̆ nău mpeh rgâl mrô, trong kan rnoi nuĭh n’hanh nău blău nkoch trêng, rgŏ jă nuĭh ƀon lan tâm nu nău mhe. Dak Lak aƀaơ geh bơi 1.100 nuĭh dơi nsing nơm ta 18 rnoi nuĭh, ƀư tơm ntung nthoi đah gưl ủy, n’gâng kan ƀon lan đah ƀon lan rnoi mpôl đêt.
Ta rƀŭn nchră, ăp đại biểu dơi mbơh rblang 3 chuyên đề khlay, geh n’hao nău blău mrô an nuĭh ƀon lan, njrăng n’gang đah ăp nău rklă tâm nkhah tâm rnglăp rnoi mpôl đêt n’hanh mbơh ƀư nău kơl rnoi mpôl đêt lvang 2026-2035. Nău ƀư gay mât na nao ƀư tơm khlay bah nuĭh nsing nơm tâm hun hao wăng sa-rêh jêng, mât rnă njrăng đăp mpăn n’hanh ntop kơl nuĭh ƀon lan gĭt tât ăp nău rhŏ mrô.
Viết bình luận