VOV4.M’nông – Di nkah gĭt 75 năm nar Thương binh liệt sĩ (27/7, nar 24/7, ta xă Ea Kuang, nkuăl Krông Pắk, N’gor Đoàn Dak Lak ƀư bôk nău “Trong hăn Druh ndăm Dak Lak-Nchih tay nău nkoch đăp mpăn” đah âk nău ƀư geh nkô̆ khlay, kơt:

Jao an ăp ndơ druh ndăm ƀư

tâm nđŭr nkoch bri way ơm đah ăp nuĭh kruanh cách mạng, nuĭh ơm kăl e tâm rnôk tâm lơh mprơh Mỹ kơl neh dak; khâl mê̆ Việt Nam janh dăng Trần Thị Lý; an ndơ 20 rnăk dơi kơl, tăm tâm si ta rup ndah nkah gĭt tahen xă Ea Kuang, but uănh ji pă dak si an dơm an nuĭh ƀon lan jêr jŏt.

Chop khâl ăp rnăk dơi kơl, nuĭh geh soan đah cách mạng

Nkra rup ndah nkah gĭt tahen ta 2 xă Ea Kuang n’hanh Ea Phê, nkuăl Krông Pắk. Dĭng lĕ ăp nău ƀư khlay rlău 70 rkeh prăk. Di rơh aơ, ăp Nkuăl đoàn n’hanh Đoàn mpeh tâm n’gor mbơh ƀư âk ndơ, pă nău kan geh nkô̆ di nkah gĭt 75 năm Nar Thương binh liệt sĩ.

Nuĭh rblang: Y Sưng Phê Ja