VOV4.M’nông: Mhâm lah 3 năm êp aơ, Dak Nông mro dăp dăch dŭt mpeh điểm thi tốt nghiệp THPT neh dak. Aơ lah nau kan duh geh nkah tâm rơh rƀŭn tal 4, HĐND n’gor Dak Nông gưl IV geh tâm 2 nar rlau aơ. Rơh thi tốt nghiệp THPT năm 2022, Dak Nông geh rnoh tốt nghiệp geh 96,7%; điểm trung bình môn geh 5,9 điểm, dăp tal 61/63 n’gor, nkuăl ƀon têh Lam Dak. Aơ lah năm tal 3 mro Dak Nông tâm geh tâm rnoh dăch dŭt nau tă geh rơh thi tốt nghiệp THPT.

Nkoch nau bah năp HĐND n’gor Dak Nông, wa Nguyễn Văn Toàn, Giám đốc N’gâng kan ntĭm nti n’gor Dak Nông mbơh nkô̆ nau ngăn lah yor rnoh kon se nti khá, giỏi bah n’gor mô âk, ri ma điểm thi trung môn dêh. Ntop đŏng lah âk kon se dŏng học bạ gay ma xét tuyển đại học, nau râng thi knŭng gay ma sŏk điểm tốt nghiệp. Đah du n’gor hôm jêr kơt Dak Nông, wa Nguyễn Văn Toàn ân lah, jêr ngăn mơ dơi rgâl nau dăp blau thi tốt nghiệp bah n’gor./.

Nŭih rblang: H’Thi