VOV4.M’nông- Tĭng nău mbơh bâh Công ty Điện lực Dak Nông, tâm 6 khay bôk năm, lam n’gor lĕ dŏng mpêt nkrem 5,55 rkeh kWh điện. Nău geh aơ lah bâh ntŭk kan ntrôl dăng nău mbơh tơih ăp trong kan dŏng điện đăp mpăn, mpêt nkrem, săk rnglăy.

Aƀaơ PC Dak Nông dôl mât uănh, tăch điện an bơi tât 178 rbăn năch dŏng. Ta meng nău ƀư ueh nău kan mât uănh, leo kan trong điện, ntŭk kan ntrôl dăng nău mbơh tơih, ntĭm đă ƀon lan, doanh nghiệp ƀa ƀơ uănh nđôi, mât kloh ueh, mât nkra trong rse điện n’hanh ăp ntil ndơ điện mât đăp mpăn tâm di. Công ty đă ăp doanh nghiệp n’hao dŏng điện tâm mông mô ir kan, uănh năl rnoh dŏng gay ma rgâl nău dŏng điện an tâm di n’hanh mpêt nkrem. N’gâng kan điện lĕ ntrŭt đă năch an geh mât ueh trong điện măt nar gay ma ntop dŏng mpêt nkrem ŭnh nar.

Nuĭh rblang: Thị Đoắt