6 khay bôk năm, wăng sa bah Gia Lai hao rlău 8%. Jâng hao jêng dơi mât ta 3 nkual wăng sa geh Công nghiệp-xây dựng, nău rhŏ, lŏ mir, si glê, tui ka. Tâm nĕ, công nghiệp rgâl ueh tay, wăch rgum ntuh kơl hao dăng đah 165 nău nchrăp ƀư, dĭng  prăk dăn bơi 165 rbăn rmen prăk, âk rlău 3 tơ̆ rơh aơ.

Sŏk an tơm prăk geh rlău 16 rbăn rmen prăk, hao rlău 22%. Gay geh nău rƀŏng hao jêng rlău 10%, UBND n’gor Gia Lai mĭn lah ntuh kơl nsum lah nuih n’hâm khlay tâm ăp khay dŭt năm. Kruanh UBND n’gor Gia Lai Phạm Anh Tuấn an gĭt, nău pă an prăk ntuh kơl lĕ geh trong rgâl mhe, yor âk ndơ ƀư lĕ jêh âk, kâp jêh samƀŭt trok prăk.