Nău kan geh tât rhiăng doanh nghiệp, ntŭk kan ndrel tâm lam n’gor n’hanh mpôl doanh nghiệp tât bâh Quảng Tây dak Trung Quốc. Ta rơh rƀŭn nchră, ndơn kan an ăp doanh nghiệp Việt Nam n’hanh Trung Quốc lĕ tâm mbơh mpeh trong kan n’hao n’hanh mât đăp mpăn ueh lăng, nâp nâl nău kan tăch ngluh ndơ an dak bah dih tâm let năp tay. Tâm nĕ, geh ăp doanh nghiệp Việt Nam ŭch geh kơl gĭt na nê̆ ăp nău kơl kan, nău nchrăp mpeh kĩ thuật, nău ntrŭnh mhe n’hanh nău tâm di mpeh mât kloh ueh ndơ sông sa mhe bâh Trung Quốc. Nkre lah geh ntŭk kan mbơh nău mhe ƀa ƀơ gay ma geh gĭt nău rgâl mhe pah kan. Mpeh đah Trung Quốc, âk doanh nghiệp an lah Gia Lai an geh uănh khlăy lơn tât nău mât đăp mpăn ueh lăng bâh rnoh pă an, nău ueh tâm ban n’hanh nău dơi nkret ƀư têh hvi gay ma n’hao nău khlăy kan. Ta rơh rƀŭn nchră, ăp ding lĕ tâm ban âk mpeh nău an geh rdâk njêng ăp ntŭk tâm rgop kan sŏng dăng, bah ỉ geh ntŭk ƀư ndranh, nkre lah ntrôl tâm kơl kan ta trong kan Logistics. Ta rơh rƀŭn nchră, lĕ geh 7 nău tâm kahgĭt tâm kơl kan geh ton kan đah doanh nghiệp Gia Lai n’hanh doanh nghiệp Trung Quốc.