VOV4.M’nông –  Ôi 21/7, Groi Kruanh dak Võ Thị Ánh Xuân lĕ râng nar rƀŭn mâp măt bu ur tahen cách mạng geh rlăng nhŭp krŭng rnôk tâm lơh mprơh Mỹ di nkah gĭt 75 năm nar Thương binh Liệt sĩ ta nkual ƀon têh Hồ Chí Minh. Tâm 200 nuĭh ntoh măt an rlău 600 bu ur tahen cách mạng bah nkual ƀon têh HCM, bôl geh âk nuĭh ranh yơn hôm e âk nuĭh ƀon lan ntrong leo, nsơr soan ndâk njêng an nkual ƀon têh, neh dak. Aơ lah nar mâp rơh bôk năp bah ăp bu ur tahen cách mạng geh rlăng nhŭt, krŭng tâm rnôk lơh mprơh Mỹ. Ntoh ngơi ta nar rƀŭn, Groi kruanh dak Võ Thị Ánh Xuân ndơn măt kruanh Đảng, Ngih dak nkoch n’hâm soan têh n’hanh ryơk ăp nău roh rui, n’hâm soan têh bah ăp mê̆, ăp yơ, ăp yuh geh rlăng nhŭp krŭng tâm rnôk tâm lơh tâm su, lah rjăp, ăp cán bộ, đảng viên nar aơ tiăr nti nău rêh, nău jăng dăng kơt ăp tahen cách mạng kăl e, ndơ̆ neh dak hao, hun hao ngăch n’hanh nâp nâl, nkah gĭt rơh hăn lor lĕ nsơr soan an đăp mpăn neh dak.

Nŭih blang: Y Sưng Phê Ja