VOV4.M’nông – Dơn nău jă bah Groi kruanh dak Võ Thị Ánh Xuân, đồng chí Bounthong Chitmany, Ủy viên Bộ Chính trị, Rnâng kan Ban Bí thư Trung ương Đảng Nhân dân cách mạng Lào, Groi Kruanh dak Cộng hòa dân chủ Nhân dân Lào khâl na nê̆ Việt Nam bah nar 17-19/7/2022. Kêng măng 17/7, jêh ƀư wơt  na nê̆, Groi Kruanh dak Võ Thị Ánh Xuân lĕ rgum nchră đah đồng chí Bounthong Chitmany ta Ntŭk Kruanh dak.

Groi Kruanh dak Võ Thị Ánh Xuân n’hanh đồng chí Bounthong Chitmany

Tâm nchră mpeh trong rƀŏng ntrôl tâm boh kan ndrel ăp ding tâm năm tât, 2 Groi kruanh dak tâm ban ŭch mât tay ăp rơh khâl, mâp gưl prêh ta lĕ rngôch ăp trong; ƀư uĕh ăp nău kan khlay n’hanh ngăn ngên tâm năm tâm rnglăp dăch dêh Việt Nam-Lào, Lào-Việt Nam năm 2022; tâm rgop ƀư rjăp n’hanh săk rnglăy ăp tâm ton gưl prêh. 2 ding mĭn lah nsrôih tay ăp nuĭh mô rlu nâp nâl tâm rnglăp, tâm ban ŭch n’hanh nău ƀư ta nklang bah ASEAN, mât nâp ăp nău way, nău khlay, nău mĭn nsum mpeh ăp nău geh tât đăp mpăn, rnă njrăng nkual; tâm ban ŭch nău mkra ăp nău tâm nkual n’hanh lam ntŭr neh đah ăp trong đăp mpăn tĭng nău tâm ryơk luật pháp lam ntŭr neh.

Nuĭh rblang: Y Sưng Phê Ja