VOV4.M’nông – Ôi 26/7, ta Ntŭk kruanh dak, Groi Kruanh dak Võ Thị Ánh Xuân wơt Mpôl ntoh măt nuĭh geh soan đah n’gor Bình Định di rơh hăn khâl thủ đô Hà Nội n’hanh lăp lăng chop wa. N’gor Bình Định aƀaơ geh 180 rbăn nuĭh dơi kơl, tâm nĕ geh 32 rbăn tahen lĕ khĭt, rlău 26 rbăn tahen sôt rmanh. N’gor Bình Định aƀaơ dôl ƀư an ntop kơl ƀa ƀơ ăp khay rlău 33 rbăn nuĭh geh soan đah cách mạng n’hanh nuĭh rnăk wâl. Ntoh ngơi ta nar wơt, Groi Kruanh dak Võ Thị Ánh Xuân njuăl nău ôp khâl đêp rmên n’hanh nău rŏng uĕh lăng tât ăp nuĭh geh soan đah cách mạng ntoh lư n’gor Bình Định; đă n’gor Bình Định rnê rhơn ăp nuĭh geh soan ntoh lư gay nkah gĭt nuĭh geh soan; kơp uănh tay nău kan trong kan nuĭh geh soan ta ntŭk aƀaơ; rgŏ jă ăp nuĭh bah dih ngih dak gay mât uănh, đăp mpăn nău kơl ngăch, di na nê̆, tâm ban đah nuĭh geh soan. Ntơm ƀư mpla nsơ “Nkual ƀon têh Hồ Chí Minh lăp jru nău way Ngêt dak nkah gĭt tu dak”.

Nuĭh rblang: Y Sưng Phê Ja