VOV4.M’nông –  Nkhêp di nkah gĭt 75 năm Nar Thương binh, liệt sĩ, ôi 25/7, ta Ntŭk kruanh dak, Groi kruanh dak Võ Thị Ánh Xuân wơt Mpôl ntoh măt Rmôt bu ur tahen Trường Sơn-trong Hồ Chí Minh. Ntoh ngơi ta nar wơt, Groi Kruanh dak Võ Thị Ánh Xuân nkoch nău răm rnôk dơi mâp ăp Bu ur tahen Trường Sơn janh dăng; Groi Kruanh dak kơp dơn n’hanh uănh lah prêh nău rgop n’hanh ăp nău geh têh dăng bah tahen bu ur Trường Sơn tâm rơh tâm lơh mprơh Mỹ, kơl neh dak. Mĭn lah, nău kan bah ăp bu ur tahen Trường Sơn lĕ rgop têh ndrel đah rnoi mpôl ƀư jêng lơh dơi têh kuăng. Rup ndah bah ăp bu ur tahen lah ntrong leo uĕh ang an rơh druh ndăm nar aơ nti nsơm, kơt tĭng. Groi Kruanh dak mpŏng ăp bu ur tahen Trường Sơn ƀư uĕh tay nău kan têh ntĭm nti kon sau, rơh druh ndăm, oh yuh bu ur ta ntŭk, ntŭk kan tâm rnglăp, tâm rlong pah kan jan sa, nti nsơm, ndâk njêng nău rêh mhe.

Nŭih blang: Y Sưng Phê Ja