Ta nar wơt, Kruanh Quốc hội uănh lah prêh nău ƀư, ntŭk gŭ bah Đức tâm Liên minh châu Âu (EU) n’hanh ta ntŭk kan lam ntŭr, kơt nău kơl bah Đức đah nău ƀư tơm ăp ding, tăch rgâl dah rŏng n’hanh nău tĭng luật pháp lam ntŭr neh, tâm nĕ geh Hiến chương Liên hợp quốc n’hanh Công ước Liên hợp quốc mpeh Luật Dak lêng năm 1982 (UNCLOS 1982).

2 ding nsĭng nơm lah, đah nău dŭt n’hâm chính trị n’hanh nsrôih nsum bah kruanh 2 dak, tâm boh kan ndrel têh Việt Nam-Đức kơt kan ndrel đah Quốc hội 2 dak mbra hun hao lĕ rngôch, jru hvi n’hanh ngăn ngên lơn, yor nău geh bah nuĭh ƀon lan 2 dak, nkre rgop dŭt n’hâm an đăp mpăn, kan ndrel n’hanh hun hao ta nkual n’hanh lam ntŭr neh.