Ôi nđaơ (28/3), ta Ngih Quốc hội, Thượng tướng Trần Quang Phương, Groi Kruanh Quốc hội ƀư tơm rơh pah kan đah ăp ngih pah kan bah Quốc hội mpeh nău mbơh ƀư nkra rgâl Luật Nău ƀư groi nđôi bah Quốc hội n’hanh HĐND. Tât rnôk aƀaơ, Dự thảo luật nkra rgâl Luật nău ƀư groi nđôi bah Quốc hội n’hanh Hội đồng nhân dân ntop tay 51 điều/91 điều nkôp đah Luật an aƀaơ geh bơi 60%.

Groi Kruanh Quốc hội Trần Quang Phương an gĭt rơh rƀŭn tal 9 tât, Quốc hội mbra uănh mĭn tay nău nkra rgâl, ntop tay Hiến pháp, Luật ndâk njêng n’gâng kan ƀon lan n’hanh âk nău nchrăp ƀư luật êng, tâm nĕ geh âk nkô̆ nău geh tât Luật nău ƀư groi nđôi bah Quốc hội n’hanh HĐND, n’gluh an đăp mĭn njêng tay lĕ rngôch đah nău nchrăp ƀư luật. Groi Kruanh Quốc hội Trần Quang Phương nkoch kloh nău mĭn êng rgâl mhe nău mĭn, rgâl mhe trong ndâk njêng luật, gay đăp mpăn rơih jăng ăp wăk kol ngăn ngên tâm trong nău ƀư groi nđôi. An mĭn njêng tay gay ndâk njêng luật đêt dơh mbơh an Quốc hội an rgop nău ta rơh rƀŭn tal 9.