Groi Thủ tướng Chính phủ Phạm Thị Thanh Trà, Kruanh rnâng kan ntĭm leo kan Ngih dak mpeh joi, rgum n'hanh năl săk ăp nting tahen ơm khĭt, râng rơh njor  n'hanh goh gâr kuăl huêng ăp tahen khĭt tâm lơh kăl e. Tâm mông nar mbah ryơk, ăp đại biểu, cán bộ, tahen n'hanh nuĭh ƀon lan ăp rnoi nuĭh n'gor Lào Cai kŭnh bôk du mnĭt nkah gĭt, mpoh nhang, an nkao si nkah gĭt ăp tahen ơm khĭt. Aơ lah nau tă geh jêh 4 khay ƀư tĭng Bôk nau kan 500 nar măng ntrŭt dăng nau joi, rgum ndrel năl moh săk nting tahen khĭt. Rmôt kan mât leo rgum joi N'gâng kan rđau kan tahen n'gor Lào Cai hŏ kơp uănh âk tât rbăn hecta, joi ndrel rgum 71 nting tahen khĭt, tâm nê năl geh moh săk 2 tahen khĭt lah tahen Lý A Tở ndrel Triệu Văn Mão.